偉仔指喺甲組或港隊做教練，先要放低尊嚴，一切照足老細意思，但咁樣一來球員仲會服你？為你賣命嗎？不過，其實心底裏都有期望過有朝一日可以執教甲組隊，並嘗吓捧盃嘅滋味，但起碼係兩、三年後嘅事。
批國援條例 寸偶像球星
港隊現役嘅中場指揮官，暫時只得傑志嘅林嘉緯，「偉仔」坦言一個不足夠：「其實黃展鴻同盧均宜都好高質素，但呢幾年竟要改踢左右閘，好嘥料！」偉仔又指國援來港兩年即可轉為本地球員嘅條例，影響嚴重：「咁會影響本地球員成長，扼殺土產球員嘅機會。」
對於近年被力捧嘅球星，「偉仔」更加嗤之以鼻：「有啲只係畀人過分吹捧，加上外形唔錯，就以為自己真係偶像，我自己就唔覺依家啲華人有邊個特別好波嘞！」