有村智惠出錢出力助第二家鄉東北救災！日本東北部發生「三一一」地震及海嘯災難，當地運動員紛紛現身支持賑災活動，有村智惠在重災區仙台市度過高校生涯，所以非常關注災情，已捐出1,200萬日圓（約116萬港元），同時積極參與慈善活動，認真有善心！
仙台市於日本地震及海嘯中損毀嚴重，無數災民失去至親及家園，有村雖在九州熊本長大，但在仙台市度過三年高中生涯，已視當地為第二故鄉，所以感受好深：「我喺電視畫面見到情況好嚴重，忍唔住喊咗出嚟，我要睇吓點樣先可以幫到班災民。」
有村智惠言出必行，最後決定捐出1,200萬日圓，除咗豪爽出錢，呢位大忙人仲抽時間參與籌款活動，曾在福岡市博多區出席街頭義賣活動，出錢又出力，抵讚！
有村向傳媒表示：「當年我喺高校時代獲得好多人幫助，今次希望幫到災區班小朋友。」