國際足協又爆貪污醜聞，英傳媒報道指FIFA委員兼南美足協會長利奧斯，曾於09年約見英格蘭代表，提出要求英國封爵畀佢，作為佢喺2018年世盃投票畀英格蘭嘅代價。據悉利奧斯當時直接話自己已經好富有，但想過下爵爺癮。結果利奧斯未能如願，而英格蘭亦申辦失敗，英國政府今日展開調查世盃申辦失敗原因，英格蘭籌委會主席在國會作證，指國際足協有6名人員求金錢報酬以換取選票。