最後0.9秒攞4分 拓荒者戲劇性反勝馬刺

有老將鄧肯因傷缺陣嘅馬刺，今場可謂大意失荊州，事關馬刺在賽事剩餘40秒時仍有4分領先優勢兼控球權。可惜球隊先有柏加被安祖米拿偷球上籃得分追貼分數，及後再有真路比利被馬菲士偷球，兩記失誤亦成為賽事轉捩點。拓荒者小前鋒巴頓在最後0.9秒博得犯規並兩罰全中追成平手，殊不知馬刺重奪控球權後又再失誤將球拋出界。

結果意外獲得控球權嘅拓荒者把握0.9秒機會，巴頓在籃底接球後第一時間命中，以98比96戲劇性反勝對手。全場攻入21分嘅贏波功臣巴頓賽後憶述絕殺一擊：「當時一心想入樽，但因為距離太遠所以先推個波上籃，想唔到有意外收穫。」至於輸波嘅真路比利亦話馬刺輸得荒謬，係佢NBA生涯中其中一場最荒謬嘅敗仗。拓荒者贏波後總成績為42勝30負，現時差西岸第5嘅金塊1.5場勝仗，有權升上更高位置。

山貓發惡反勝綠軍

山貓同日亦打出代表作，球隊在結束三節後落後13分，但在最後一節竟然大逆轉，最終作客反勝綠軍83比81。山貓贏波後成績為29勝42負，差東岸第8位嘅溜馬2場勝仗，趕搭季後賽尾班車仍未絕望。

NBA賽程

時間 賽事（前者主場） 讓分

周日7:00am 鷹隊 Vs 籃網 鷹讓10.5分 now 678、有線62台及165台直播

周日7:00am 山貓 Vs 紐約人 紐讓3.5分

周日7:30am 活塞 Vs 溜馬 活讓1.5分

周日8:30am 公鹿 Vs 公牛 牛讓5.5分 now 635及廣東體育直播

周日9:00am 爵士 Vs 小牛 小讓3.5分

周日10:30am 快艇 Vs 速龍 快讓2.5分 中央5台直播

周一凌晨零時 76人 Vs 帝王 人讓4.5分

周一6:00am 騎士 Vs 鷹隊 鷹讓4.5分

周一6:00am 熱火 Vs 火箭 熱讓4.5分

周一6:00am 灰熊 Vs 馬刺 馬讓3.5分 now 678及有線165台直播

周一7:00am 木狼 Vs 塞爾特人 塞讓5.5分

周一8:00am 雷霆 Vs 拓荒者 雷讓4.5分

周一9:00am 勇士 Vs 巫師 勇讓3.5分

周一9:30am 湖人 Vs 黃蜂 湖讓4.5分 now 678、有線62台及165台直播

周一10:30am 太陽 Vs 小牛 小讓3.5分

戰果放送

溜馬 93:110 帝王

魔術 95:85 籃網

塞爾特人 81:83 山貓

騎士 97:91 活塞

熱火 111:99 76人

紐約人 96:102 公鹿

公牛 99:96 灰熊

雷霆 111:103 木狼

金塊 114:94 巫師

太陽 100:106 黃蜂

拓荒者 98:96 馬刺

勇士 138:100 速龍

湖人 112:104 快艇

(前者主場)

本報綜合報道