眾所周知高比仔爸爸祖拜仁曾經到意大利搵食，所以高比仔細細個已隨父到歐洲生活，意大利無疑係佢第二個家。所以除籃球外，高比仔亦鍾情足球，最愛就係當地班霸AC米蘭。
好大機會落腳米蘭
其實米蘭市都有一支好著名嘅籃球隊，就係米蘭奧林匹克，會長仲係著名嘅設計師阿曼尼，佢不時都游說高比仔過檔，希望球隊有朝一日能夠擁有一位真正球星，阿曼尼更表示願意為迎接高比仔而興建新場館。
老實講，高比仔在NBA已經贏盡榮譽，若然在黃昏時代轉戰歐洲，肯定可以為歐洲籃壇帶來熱潮，屆時在籃壇嘅影響力及成就，或有可能超越「波神」米高佐敦。
有線ＮＢＡ評述員 蔡芳裕