戴歷羅斯勁轟34分獵鷹 公牛王朝復興
公牛欲事隔13年後再度重返東岸之巔，似乎已非癡人說夢話。公牛尋日憑戴歷羅斯砍下34分，助球隊以94比76大勝鷹隊，報回月初一箭之仇。公牛近14場常規賽贏出12場，現時只落後東岸榜首塞爾特人半場勝仗，以此勢頭大有機會迎頭趕上，自「波神」米高佐敦王朝後再成東岸一哥。
近期連勝多支東岸強隊，氣勢如虹嘅公牛，面對仇人分外眼紅，事關公牛月初曾於大幅領先鷹隊之下，被後者大逆轉中斷連勝，戴歷羅斯賽後揚言唔會再犯相同錯誤。結果呢位「公牛紅人」兌現承諾，今場大演個人騷攻入34分，另外還貢獻6個籃板球及5次助攻，領軍大勝鷹隊18分。
今場已經係公牛近14場賽事第12場勝仗，總成績達到46勝18負，僅差46勝17負嘅塞爾特人半場勝仗，只要公牛保持強勢，大有機會在未來晉升為東岸一哥。公牛上一次贏得常規賽東岸冠軍寶座，已經要追溯到97至98球季，亦係米高佐敦最後一個公牛球季，當時球隊成績為62勝20負，而總決賽亦以4比2擊敗爵士，獲得球會史上第6台總冠軍。
馬刺鬥帝王蝙蝠打氣
西岸方面，一哥馬刺則憑柏加攻入全場最高27分，以108比103險勝帝王。今場賽事出現了一段小插曲，事緣一隻蝙蝠在比賽期間飛進場內，適逢上季帝王作客馬刺時亦出現過此畫面，不過上季以「擒拿手」捉蝙蝠嘅真路比利就唔敢再做「捉蝠英雄」，皆因佢上季被保護動物組織人士批評，所以今次唔敢再犯。
NBA賽程
時間 賽事（前者主場） 讓分
周日8:00am 鷹隊 Vs 拓荒者 鷹讓1.5分
周日8:00am 巫師 Vs 快艇 巫讓2.5分
周日9:00am 公牛 Vs 爵士 公讓6.5分 now 678、有線62及165台直播
周日9:00am 公鹿 Vs 76人 公讓1.5分
周日9:00am 黃蜂 Vs 帝王 黃讓4.5分
周日9:30am 火箭 Vs 馬刺 馬讓4.5分 廣東體育直播
周日10:00am 小牛 Vs 湖人 小讓1.5分 now635及中央5台直播
周日10:00am 金塊 Vs 活塞 金讓9.5分
周一1:00am 騎士 Vs 雷霆 雷讓8.5分
周一1:00am 速龍 Vs 山貓 山讓4.5分
周一3:30am 太陽 Vs 魔術 魔讓8.5分
周一6:00am 塞爾特人 Vs 公鹿 塞讓7.5分
周一6:00am 紐約人 Vs 溜馬 紐讓5.5分 now 678、有線62及165台直播
周一9:00am 勇士 Vs 木狼 勇讓3.5分
戰果放送
籃網 102:98(加時) 快艇
76人 89:86 塞爾特人
速龍 108:98 溜馬
山貓 97:92 拓荒者
公牛 94:76 鷹隊
木狼 122:101 爵士
雷霆 104:94 活塞
馬刺 108:103 帝王
勇士 123:120(加時) 魔術
註：前者主場
本報綜合報道