除了戰績予人驚喜，屯門最令人議論紛紛之處，就是人多勢眾的打氣團，這班粉絲成為今季港甲票房保證，但亦有指屯門球迷大部分由會方組織，送飛兼派黑衫白衫來營造主場氣氛，而球會個別職員更見「惡死」。對於上述種種，盧光中回應：「大家都明白，如果球隊踢得差，送飛都冇人睇啦！屯門球迷肯入場，係球隊努力換來嘅成果。」
足總數據顯示，屯門今季入座率僅次於南華排港甲第二，每次鄧肇堅運動場的賽事都有過千觀眾，今季兩戰南華更出現爆棚盛況，盧Sir坦言為球會首季上甲組便有此成績感到自豪，亦成為球隊最大推動力。
對於打氣團的形象問題，盧Sir指出，每次比賽號召過千觀眾入場絕不容易，他說：「送飛送一次，人哋或者會畀面你，但如果次次都嚟就唔係畀面，而係真心支持，屯門球迷大部分係由村長及鄉紳號召居民組織而成，在球場門外派衫派紀念品嘅人亦係鄉紳，他們都係自發嚟捧場，球會對佢哋落力幫忙非常感激。」
說到屯門職員「惡死」，其實是指該會職員周美於聯賽對飛馬時嚴重違規，遭足總重判停賽十二場，盧Sir指：「周美熱心足運係我嘅偶像，佢嗰仔周綽豐更加係現役香港奧運腳，嗰次事件後我哋亦有認真檢討過。」