大家唔好誤會，「大Z」並非地產經紀，不過佢就係一間位於紐約市中心豪宅嘅業主。話說早前熱火作客紐約人時，伊高斯卡斯就趁中場休息走去同安東尼搭訕，原來佢背後目的就係推銷自己間屋畀「甜瓜」，仲話收番佢「朋友價」，每月租金只係37,500美元（約29.2萬港元）。
5千呎大宅月租29萬
「大Z」間屋位於曼克頓區，面積有成5,000平方呎，兩廳5房，安東尼一家三口夠晒住啦！其實伊高斯卡斯自從過檔熱火要到邁阿密定居後，一直都好想放咗層樓，不過由於呢類價錢昂貴嘅豪宅一直乏人問津，加上舊年金融海嘯搞到美國房價大跌，所以「大Z」覺得出租最划算，據悉安東尼已經答允睇樓，極大機會成為「大Z」租客。