當我睇到呢輯相時真係好驚訝！以前我會覺得運動員着衫應該有啲薯、亦好保守，淨係識着運動衫，但估唔到陳敬然可以着得好潮亦襯得好好睇！先睇「阿英」着嗰條四個骨短褲，係依家最興嘅潮物，整體嚟講效果唔錯，凸顯到年輕嘅感覺，可以睇到佢有潮流觸覺。不過，可惜係佢襯對波鞋就好一般，我建議襯番對Boot或者一啲有型格嘅鞋就會好好多！
至於喺陳敬然咁多套衫入面，我最鍾意係佢着全黑西裝嘅一款，因為個打扮加上窄腳褲，呢個Look除咗斯文大方之外，更完全將「阿英」修長身形嘅優點表露出嚟，真係要讚一讚，況且佢身形比例一流，用全黑造型可以突出瀟灑、有型一面！