澳職球隊北昆士蘭風暴，踢咗兩季就玩完。澳洲足總CEO布克利表示，由於風暴未能喺限期前提交保證金，故決定取消佢哋二○一一至一二年參賽資格，下季澳職會由十一隊減至十隊。○九年成立嘅風暴，兩年前搵咗前利物浦球星科拿加盟，令球隊知名度大增，可惜佢哋一直入不敷支，上季將科拿賣畀珀斯光輝，但依然搞唔掂，最終散班收場。