高比都爆二房爭產?

【本報綜合報道】美國傳媒近期踢爆高比拜仁愛妻雲妮莎做咗「跟得夫人」,就連高比仔作客比賽都要跟埋去,有𥄫實老公之嫌!正所謂空穴來風,未必無因,有八卦網站就收到風,原來高比仔出面收埋另一頭住家!

老婆跟到實唔尋常

據網站terezowens.com早前報道,高比仔在明星賽周前作客魔術時,收到一個神秘包裹,內裏竟係一份親子鑑定嘅法律文件。網站話收到可靠消息,高比仔早前曾同一名女子有染並誕下小生命,「小飛俠」為解決風流帳,去年已經畀咗一筆錢「二房」,等佢同孩子在意大利生活。殊不知呢名女子近日決定回美國「爭產」,難怪雲妮莎最近要𥄫實高比仔。

其實高比拜仁○三年曾被控強姦而搞到一身蟻,背妻偷情更令形象大插水。幸好高比仔知衰肯改過,近年已重新建立出好男人形象,希望今次事件只係煲水料啦。