因受到性醜聞同離婚事件影響，本月30日度過35歲生日的老虎活士與好幾個贊助商都已經解除合約，收入亦由高峰期嘅年入過億美元，急跌至7,420萬美元（約5.8億港元），係活士近十年來賺得最少嘅一年。雖然收入下滑，佢嘅吸金能力仍然喺高球界「冧巴溫」。
大家都知活士重返球場後成績大不如前，獎金收入自然偏低。但佢憑場外收入一樣能夠頂住個頭位。至於收入榜排第2位嘅米高遜雖然喺2010戰績甚佳，但年度收入只係4,010萬美元（約3.1億港元），與活士仲差成條街，同人唔同命，唔恨得咁多架啦！