對於運動員球員嚟講，最唔想見到嘅傷患就係「應力性骨折」，皆因動完手術後大多要長抖一季，近年嘅NBA新秀狀元奧登及格芬，都先後中招。
應力性骨折亦稱為疲勞性骨折，當肌肉過分疲勞後，唔能夠及時吸收反覆碰撞所產生嘅震動，將應力傳至骨骼，因而引起骨裂或骨折。應力性骨折多出現於承受重量嘅部位，例如小腿脛腓骨及足部跟骨、足舟骨及跖骨，患者多為足部需承受較多運動量嘅項目，如籃球、足球及網球。
姚明在08年2月檢驗出應力性骨折，結果養傷一整季。去年5月再因左腳骨裂而進行了一次大手術，包括將左腳舟骨自體移植及削減左腳足弓，希望解決左腳長期傷患，惜如今再度重創，根治的機會看來更加渺茫，提早收山絕不出奇。