唔知NBA迷仲記唔記得安東尼獲加呢？呢位曾經同皮雅斯組成塞爾特人「孖寶」嘅球星，近年真係衰到貼地，繼失業、醉駕遭起訴、欠下巨額賭債及破產後，佢嘅前未婚妻亦怒斬十年情，宣布同NFL球星奧喬辛科結婚。
34歲嘅安東尼獲加，自08年離開NBA後都未好過，因爛賭輸晒成副身家，仲欠下巨債，最終破產收場。本應佢早前喺波多黎各搵到班落，殊不知好快又被踢走，再度加入失業大軍，連相戀十年嘅前未婚妻Evelyn Lozada都離佢而去。Lozada早前透過twitter結識到NFL球星奧喬辛科，兩人日前正式宣布婚訊，安東尼獲加今次真係一鋪清袋囉！