實力愈見下滑嘅76人，今季組軍亦未見有驚喜，只係羅致咗老將盧茲安尼同巴迪爾，最弊係正選中鋒達林拔已在今夏離隊，整體實力可謂不升反跌。亦因為咁，76人喺今季嘅季前賽表現欠佳，七場賽事兩勝五負，係東岸大西洋組表現最差嘅球隊，睇怕今季都難以爭入季後賽。此外，主將「小AI」伊古達拿在賽前扭傷腿部，今場未知能否披甲，若然連「小AI」都唔出得，76人的確難有進攻板斧。
熱火接令場場搶勝
客隊熱火嘅陣容就豪華得多，「大帝」勒邦占士、韋迪及保殊「三條煙」都屬聯盟頂級球員，計牌面高主隊幾班，再者，熱火希望今季能搶盡勝仗，打破當年公牛所創嘅常規賽最佳紀錄，今場實會踩行油搶勝。