久違536日長城再現 NBA明回歸！

姚明黃金24分鐘

仲記得姚明上一次打NBA係幾時嗎？答案係上年五月九日，季後賽次圈對湖人嘅第三場比賽。自該仗後，姚明足足養傷一年多，並缺陣了上季全部賽事，要到今季季前賽先首度復出，而今場就係「小巨人」養傷後首場正式NBA賽事。（now 635周三早上10時30分直播）

由於姚明多年來飽受傷患困擾，所以火箭軍醫季前已下旨，每場常規賽只能派「小巨人」上陣最多24分鐘，以免雙腿不勝負荷而再受重創。教練阿杜文賽前指出：「由於湖人整體身材較高大，所以我已決定讓姚明於首戰登場，我會用盡佢嘅『黃金24分鐘』。」

高比時間亦受限制

湖人同樣有球員會受到時間限制，佢就係「戰神」高比拜仁。教練積遜賽前表示，今季會盡量減低高比仔嘅出場時間，避免佢因過累而受傷，畢竟高比仔只係剛傷愈復出。高比過去六季平均上陣39.3分鐘，雖然兩助湖人奪得總冠軍，但傷患就一直纏身，所以「禪師」在今季季前賽僅派其平均上陣21.6分鐘，積遜希望湖人球員能夠逐漸「孭飛」，避免太依賴高比。

NBA賽程

時間 賽事（前者主場） 讓分

周三7:30am #● 塞爾特人Vs熱火 塞讓1.5分

周三10:00am ★ 拓荒者Vs太陽 拓讓7.5分

周三10:30am #● 湖人Vs火箭 湖讓7.5分

註：★有線165台直播 ●廣東體育直播 #now635直播