在上季季後賽首圈打得激烈嘅拓荒者與鳳凰城太陽，開鑼日會再度碰頭，客隊鳳凰城喺抖暑期間損失大將史杜迪米亞，而第六人巴布沙又被換到速龍，再加上中鋒羅賓盧比斯今仗又因傷缺陣，陣容不整下預料拓荒者可報回上季出局之仇。（有線165台周三早上10時直播）
毫無疑問鳳凰城今季將會備受考驗，最值錢嘅史杜迪米亞（A米）遠走紐約，雖然球隊已補充了陶告魯，但兩位級數有異，整體實力隨即大減。事實上，球隊在季前賽表現可謂非常之差，八戰二勝六負之餘，最後一戰更遭金塊大炒38分，教練根特利未開咧已備受壓力，季初形勢令人擔心。
主隊拓荒者雖然仍受傷患困擾，兩大中鋒奧登及比沙比拉仍未傷愈，但其實兩人受傷已久，拓荒者早已習慣，加上上季羅致老將甘比已解決中鋒問題，今場應可藉主場之利打響頭炮。