- on.cc主頁
- 3月26日 (三)
「夢幻決賽」第二回合明早開打，湖人首戰大勝塞爾特人後士氣大振，狀態大勇嘅加素賽前就揶揄加納特不復當年，只係得番跳投一種武器，好輕易就將其擊倒！不過塞軍教練李華士就力撐愛將，佢睇好加納特今場會翻生，令睇低佢嘅人大跌眼鏡。（周一上午8時高清翡翠台、now 670及有線165台直播）兩軍在首仗對決的收視率達10.4%，追平了六年來的最高收視。
塞爾特人主將加納特，首戰表現未如理想，全場起手16次僅中7球，得16分及4個籃板，與對頭人加素嘅23分、14個籃板表現，即時比下去。前季總決賽被加納特打得落花流水嘅加素，賽前當然意氣風發，向仇家踩多腳：「無疑加納特以前嘅第一步的確好快，持球時極具侵略性，可惜時間就係運動員最大敵人，加納特嘅爆發力已不復當年，現時佢只能依靠中距離跳投搵食。」
事實上，經過首戰後，唔少傳媒都對KG加納特作出負面評價，認為KG已非08年總決賽那個KG，佢當時對戰湖人時，就為塞軍貢獻咗平均18.2分及13個籃板。教練李華士就作出反駁：「每當加納特失準時，傳媒就會攻擊佢年紀大、機器壞，其實有邊個球員未試過低潮呢，加納特健康並冇問題，我敢保證佢下場回復水準。」
至於KG嘅內線拍檔柏堅斯亦力撐隊友，佢希望球迷記得KG今季如何打沉騎士，東岸決賽亦Mark死劉易斯，早已證明佢寶刀未老。
另方面，費利已辭去騎士總經理一職，據悉離隊因為唔滿意球會炒掉主帥米克布朗。
本報綜合報道
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
