減薪六成！湖人逼走禪師？

肯定唔會退休

以教練身份贏得十枚冠軍指環嘅積遜教練，堪稱NBA史上最佳教頭，所以薪酬亦冠絕聯盟，今季年薪達到1,250萬美元。不過NBA球隊近年營運困難，大部分都錄得嚴重虧蝕，所以陸續向職球員薪酬開刀，以收緊開支。據悉湖人高層已表明，最多只會給予「禪師」500萬美元年薪，間接要積遜大幅減薪60%，似乎略欠尊重。

「禪師」收到條件後，亦表示進退兩難，皆因佢本身希望續留湖人，可惜條件實在太苛刻，所以亦有機會離隊。唯一確定係「禪師」季後肯定唔會選擇退休，因為佢女友兼湖人班主女兒珍妮巴斯，已表明積遜未有退休之意。