晨曦校訪王華湘教埋外語

晨曦今次校訪，首先進行一輪足球技術示範，職業球隊的熱身動作、指導學生技術及友誼賽等當然唔少得，其中蘇偉泉、卡爾，退役多年的陳發枝，球隊大使李珊珊均受到師生們熱烈歡迎。

普通話英巴法語都掂

除咗踢波，學生們還相當好學，友賽結束後晨曦分成三組，劉志強、羅志焜、蘇偉泉等港腳與同學分享職業球員的生活，魏釗、于臣、李明等國援以普通話與學生交流，高尼路與賓曹則與同學們講英語，亦兼教巴西語及法文，個個搶住發問，好有學術氣氛。

晨曦教練陳發枝表示，今次校訪注入英語、普通話及粵語會話元素，感覺很新鮮：「教踢波之餘仲可以學講外語，學生反應很踴躍，下次有空檔一定會再搞。」

劉志強（中）棄足用手打籃球，動作滑稽。

晨曦門將魏釗（右）手長腳長，輕易化解同學仔頭槌攻門。