本文重點
雖然近日寒風襲港，但標誌着陽光與海灘的學界沙灘排球賽仍進行得如火如荼！連續兩年喺港九區學界沙排賽封后嘅協恩中學排球隊「雙隊長」陳幸明與吳樂彤，喺之前嘅暑假除咗食飯瞓覺就只有打波，目的只為達成「三連霸」創舉。旁人聽到或會覺乏味，但呢對拍檔卻最享受陽光與海灘，擺脫束縛喺沙灘打排球出一身汗！
「明彤配」一剛一柔，幸明熱情開朗，場外如孩童般佻脫，場內卻專注萬分，充分發揮領導才能，不過她表示自己在情緒控制方面有時仍欠成熟，全靠彤彤補不足：「不論場內場外，佢都唔太愛說話，畀人好文靜嘅感覺，比賽時又非常冷靜，唔會因為一兩球打得差而亂咗陣腳。」
兩人喺○七年開始搭檔，迄今在學界未逢敵手，連續兩年摘下港九區學界沙排賽桂冠，彤彤亦兩度榮膺中銀紫荊傑出沙灘排球運動員，成績斐然。
享受陽光海灘 打極唔厭
亦因為沙排，撮合兩人結成金蘭姊妹，彤彤笑說：「我哋雖然唔同班，但會一齊食lunch，之後再同師妹打二人排球，默契自然愈來愈好。」今年考完會考，有個悠長暑假，兩位可人兒卻沒有四出耍樂，反而更熱衷訓練，而且安排非常緊密。就如彤彤每星期隨教練林鎮國練波三次，其他時間進行體能訓練，日子過得非常充實，幸明練習沙排以外，亦入選香港學界代表隊參加「全國中學生運動會」，非常忙碌。
成日都只係打波不會生厭嗎？彤彤表示一點也不會：「打波係我哋最大興趣，日日打都唔會悶，尤其係打沙排能夠一邊打波，一邊享受陽光與海灘，更可以除低對鞋無拘無束比賽，已經並非只係舒服咁簡單！」
吳樂彤 陳幸明
17歲 年齡 17歲
1米68 身高 1米75
56公斤 體重 55公斤
協恩（F.6） 就讀學校 協恩（F.6）
排球、溫書 興趣 排球、攝影
楊昊、王一梅 喜愛運動員 加莫娃、周蘇紅、趙蕊蕊