本文重點
今季ＮＢＡ開咧後，其中一支驚喜球隊就係熱火！熱火尋日贏公牛95比87，開咧連贏三仗真係估佢唔到，而主將韋迪更衝破職業生涯一萬分里程碑，狀態弗到漏！熱火聽日將會主場迎戰鳳凰城太陽，衝擊常規賽四連勝，有主場之利勝算更高。
（有線165台周三早上８時30分直播）
韋迪突破萬分大關
熱火尋日憑「閃電俠」韋迪攻入25分，技術性殺敗公牛，而韋迪亦因此衝破職業生涯一萬分大關，成為第四十三位現役球員攞到呢個成就。事實上除韋迪之外，近年洩晒氣嘅謝美恩奧尼爾今季亦打得特別有火，就好似尋日對公牛時，佢撞爆鼻都堅持繼續比賽，打打吓仲掉走埋個鬼面罩，鬥志可嘉。一班年輕人充滿激情，加上有主場之利，熱火應可乘勇擊敗鳳凰城。