表演賽定於十一月七日晚假修頓室內場舉行。忠實粉絲何先生表示為睇偶像「超級丹」真人騷，花時間排隊都值得，他說：「因為預計會有好多人買飛，所以專登同公司請假過嚟排隊，到時會同大班朋友一齊睇比賽，好想睇林丹，覺得佢球技好好，非常勁！」而據大會公布，至昨午已售出超過七成門券，目前一百至四百元門票尚餘小量，想一睹偶像風采，就要速速到修頓買飛（售票時間為朝十晚八）。

劉小姐：有機會同偶像近距離接觸喎，貴啲都抵嘅！	何先生：到時我會同成班friend一齊嚟支持中國隊㗎！	雷小姐：如果可以同林丹合照就Perfect嘞！

林丹最多fans撐

至於球迷劉小姐不惜大破慳囊，購買最貴的四百元門票，希望佔到有利位置，近距離欣賞國家隊妙技：「我買咗四百蚊飛同妹妹一齊睇，之前東亞運賣飛情況好混亂，排咗好耐先買到飛，所以今次特登提早嚟排隊，好在今次秩序良好。」另外雷小姐則希望可以從國家隊球星身上偷師，還想和林丹合照呢！值得一提的是今次表演賽的門券收益，將全數撥捐中國運動員教育基金，為中國運動員及青少年教練發展籌募善款。