魔術上季打入總決賽並非僥倖，球隊既有內線霸者杜域侯活壓陣，又有準繩嘅外線投射，失落冠軍只係差一點經驗。今季捲土重來，陣容絕對較上季更為雄厚，首先卡特來投，既可加強投射能力，又可作出個人突破，較離隊嘅陶告魯多瓣數。此外，球隊亦簽入賴恩安達臣、班尼斯及積遜威廉士作替補，板櫈力量加深，整體實力不下於另外兩支東岸勁敵。

76人難以招架

再者，魔術狀態正盛，球隊於上周以一二三比八十六擊敗快艇後，季前賽八戰全勝，反映出球隊已經準備就緒迎戰新季。相反客隊76人今季未有大事增兵，今季都係保留上季班底應戰，實力難與魔術抗衡，估計魔術今場都可以由頭帶到尾，輕鬆贏波主場響頭炮！