19/08/2009

播放本新聞相關短片

乜嘢係Kiteboarding？

由字面睇大概已可以知道「風箏滑水」係乜東東，其實就係「滑水」加「風箏」。呢種運動喺夏威夷發明，至今歷史只有短短廿年左右。玩風箏滑水嘅方法大致上同滑水差唔多，都係參加者企喺滑浪板上喺水面滑行。不過今次並唔係以快艇拖住參加者前進，而係靠佢自己放起風箏，再透過風能令滑浪者可以喺水面滑行，甚至可以由自己控制風箏嘅形態，取得額外嘅動力，幫助自己進行跳躍等動作，以一百八十度不同方位拉動玩者，速度可媲美快艇，好玩到你唔信！