撰文：阿豪

嚴格規定

四仔電影同日本AV最大嘅分別，除咗四仔電影內容較為火辣外，四仔女星嘅身材更係相當誇張，事關不少四仔女星為咗能夠提升叫座力，都會進行僭建手術，從而讓自己嘅上圍睇起嚟更加激凸。不過想成為四仔女星，係咪一定要隆胸呢？

呢間四仔製作室嘅老闆雲迪就認為未必如此，佢解釋：「進行隆胸嘅四仔女星，通常係因為佢哋胸部太細，加上其他條件唔係咁吸引，先要進行呢個手術。另一個原因則係，隨住女星年紀愈嚟愈大，如果唔讓身材變得更有睇頭嘅話，好易便會被其他四仔女星淘汰。故此，我哋呢個甄選會嚴格規定參加比賽嘅靚女們，絕對唔可以對身體進行任何改造手術，只要一經發現，便會馬上被取消資格。」此外，大會對參加甄選會嘅靚女身高亦有規定，就係身高唔可以矮過五呎一吋。據雲迪表示，呢個做法係避免女星日後難以搵到對手。雲迪笑道：「一般嘅四仔男優身高都有番咁上下。如果女星太矮嘅話，就好難搵到對手。反而年齡我哋就冇規定，縱使佢已經四十歲，只要樣靚身材正都冇問題！」

床上檢定

經過一輪篩選後，進入第二輪甄選嘅女星，每個都係樣貌及身材俱佳嘅索女。不過，話晒四仔女星唔同模特兒，唔係單係靚就得，仲要講求床上功架。如果床上表現好似死魚一樣嘅話，佢哋絕難取得四仔迷嘅支持。故此，第二輪甄選嘅主題就係「床上檢定」！

唔少人以為所謂「床上檢定」，就係讓男優及導演，有機會食免費餐，其實呢啲只係男士們一廂情願嘅幻想而已。事實上，邊有女生喺未得到四仔製作室聘請前，便會出賣自己嘅肉體呢？更何況，四仔製作室為免引起不必要嘅爭拗，絕對唔會喺面試時，真係同候選靚女嚟個貼身肉搏。既然如此，「床上檢定」又如何測試呢？據雲迪表示，「床上檢定」係一個約五分鐘嘅自我表演部分，內容包括自我介紹、擺出誘人甫士及自我表演部分。前兩者大家都知道做乜，而最後一部分大家就未必明白。原來自我表演係讓女星喺鏡頭前自娛一番，從而睇吓該候選靚女表演得夠唔夠放、有冇潛質等。雲迪就話：「如果表演自然嘅話，我哋好大機會同佢簽約。」

專業訓練

可能有人覺得咁都唔係好難啫！查實唔係我哋睇得咁簡單，事關喺五十個候選靚女中，最多只有五個入選，換言之，即係十個中，只得一個可以，競爭相當激烈！

不過，唔好以為「過五關，斬六將」後，便可以即時拍四仔、出影碟喎。為咗可以讓四仔女星嘅演出得到保障，入選並同公司簽約嘅靚女，都要先接受公司為期一個月嘅訓練，訓練內容除咗讓佢哋明白四仔嘅製作流程外，仲會傳授一啲演出上嘅技巧，例如呢個體位喺拍攝時，應該留意邊啲地方，點樣做先至唔會擋住攝影機，又唔會收唔到音。

一般嚟講，每個四仔女星入行後，都會先推出一張個人四仔影片，用以測試市場嘅反應。如果反應好嘅話，當然可以繼續拍個人四仔，而同其他女星合拍時，出鏡時間亦會長啲，最重要片酬亦會高啲。不過反應一般嘅話，則會淪為其他女星嘅陪襯！