近兩個月已「移居」廣州作全天候訓練的Liza稱：「我啱啱收到消息，真係好震驚，點解話取消就取消。」Liza感到無奈，而且在電話中愈講愈聲震：「大半年前知道東亞運有呢個項目，我就決定集中練習，加上喺香港搞，又係首設呢個項目，我知道喺健身同健體嘅對手都唔係太強，希望自己可以攞到獎牌，依家我嘅計劃完全打亂，但我會參加下個月嘅泰國亞洲賽。」

或重投攀石老本行

事實上，今次取消健美項目，最大犧牲都是運動員，正如Liza半年前已來回大陸訓練，專程隨廣州的省少年體操隊練體操，又練跳舞及學習着比堅尼行Catwalk，近兩個月更完全在廣州居住，只有周末才回香港，目的就是為東亞運力爭金牌，Liza說：「取消項目當然可惜，但我好享受呢段時間嘅訓練過程，我依家暫時會繼續，等下個月亞洲健美賽後先返香港。」

至於隨後的計劃，Liza坦言「一片空白」，但她會考慮再戰自己的「老本行」──攀石，她說：「我或者會參加下月廿五至卅一日嘅亞洲攀石錦標賽，但我太耐冇練習，加上有啲攀石規則改咗，所以都要一段時間適應。」另一名女將余迪希對此事亦感到突然。