本文重點
喺香港做運動員，除咗睇你有冇潛質，夠唔夠努力之外，你揀嘅係咪精英體育項目都好重要！依家體院嘅精英體育項目，包括羽毛球、乒乓球、單車、滑浪風帆等等，呢啲都係得獎機會較高嘅項目，因此得到政府大力支持，唔單止提供世界級教練、訓練設施同海外比賽機會，運動員亦會獲得宿舍、津貼同獎金。
非精英體育項目不被重視
相反，其他體育項目嘅待遇就差好遠喇！記得Kittak F.5時代表香港學界隊參加全國中學生排球錦標賽，因為budget唔夠嘅關係，要畀錢先有得去……日練夜練都算，仲要貼錢去打比賽，其實真係幾灰，完全唔被重視囉！不過我都明白嘅，香港人普遍偏矮，而排球就係講身高嘅運動，愈高就愈着數，我哋對住啲一米八、九嘅中國隊，真係好似大人國對小人國咁，完全冇得打，如果唔係打直接得分，分分鐘會食蛋添！
當然，如果只係當課外活動玩吓，最重要揀自己鍾意嘅，但如果想喺體育方面發展，做全職運動員，為香港爭光，就要識揀喇！