畢頓贏埋摩納哥站

行運一條龍嘅畢頓，喺F1摩納哥站再做「開香檳」主角！排頭位出賽嘅佢以1小時47分44秒282贏得今季第五個分站冠軍，連同隊友巴利哲奴奪亞，再一次為布朗GP包辦連贏。畢頓的勝利係意料中事，相比之下，法拉利「冰人」拉哥倫，以及馬沙幾經艱辛下，終於爭得本站三、四位，反而令車迷感到驚喜。經過六站比併後，畢頓累積51分喺車手榜繼續帶出，拋離次席嘅巴利哲奴16分。