議員：不如用番舊嘅
議員田北辰指舊系統不時發生故障，形容維修費用有時「整仲貴過換」，認為更換新系統亦都係好事。不過，更換新系統涉款逾一億元，但竟預計更換系統後嘅每年維修成本同以往一樣，同樣是500萬元。佢話呢個現象十分奇怪，倒不如沿用舊嘅系統。運輸及房屋局解釋，舊有系統已有好多零件已告過時，甚至難以採購，而更換新系統就會提供更多功能同設備，如可偵測行人進入隧道，計算車輛數目以作出行車管理等，因此會增加所涉嘅維修成本。
此外，會上亦以大比數通過，喺發展局開設一個躍動港島南辦事處總監非公務員職位、建造寶馬山行人通道系統、柴灣政府綜合大樓及車房工程計劃等項目。