目前立會候選人無學歷要求
葉劉日前喺電台節目發表意見,話希望下屆議員能具備一定知識水平、理性分析不同議案,況且香港作為國際都會,立法會亦有議會聯絡小組委員會,議員有責任加強對外宣傳,化解外國對香港嘅誤會。所以佢認為參選嘅議員應該「起碼讀過大學、起碼要識英文啦」。除咗學歷,葉劉又提到以往有部分議員唔到晏晝3點鐘都唔露面、唔發言、唔提問,亦冇提出辯論議題。佢坦言擔任議員最基本係要付出時間、精力同心力。
但現實上,成為立法會候選人只係設有年齡及國籍等基本要求,並無設有學歷要求。亦都有幾位現屆議員並冇大學學歷,仲由頭到尾都講到明唔會接受英文訪問,唔知呢幾位同事又會唔會介意葉劉呢番言論呢?