政情：鄭松泰被斥人品低劣

王百羽

非建制派立法會議員鄭松泰前日（9日）喺社交平台轉載消息，指王選區嘅居民有需要可以搵鄰區、與鄭同一政黨嘅區議員王頴思協助。離島區議員梁國豪轉載鄭嘅貼文，批評鄭「人品低劣」，認為其目的係為咗繼續參選成為議員，而王百羽好友、屯門區議會副主席黃丹晴亦轉載鄭嘅貼文，更爆粗「多×謝」，暗指唔會感謝鄭嘅安排。

• 鄭松泰

鄭反駁：小人之心度君子之腹

鄭松泰尋日喺社交平台截圖轉載梁國豪同黃丹晴嘅回應，反駁指自己仍然係該區嘅立法會議員，有責任同道義照顧當區居民，反問係咪可以咩都唔做？鄭形容批評者係「以小人之心度君子之腹」，先至會將尋常事睇成選舉利益。