政情：公民黨雷啟榮跳船 半年走逾10區議員
公民黨（公文袋）又有區議員退黨！沙田火炭選區區議員雷啟榮尋日喺Facebook發文，話經過慎重考慮後，決定退黨，未來會繼續專注地區工作喎。計計埋埋，公文袋近半年已經有最少10位區議員退黨啦！
以泛民主派政黨嚟講，公文袋嘅退黨潮真係特別嚴重！該黨舊年就先後有黨員被取消參選立法會議員資格，到今年初民主派人士因參與初選被控「顛覆國家政權罪」，近半年至少有10名區議員退黨，包括葵青區議員冼豪輝同譚家浚、南區區議員俞竣晞、東區區議員鄭達鴻、李予信、黃大仙區議員鄭文杰、觀塘區議員李煒林、李軍澤同畢東尼及沙田區議員黃文萱等人。
連前黨員楊岳橋，譚文豪、郭家麒及李予信曾向前黨友發聯署信件，提出應解散公文袋，直言該黨已完成歷史任務。唔知大家係咪都見唔到留喺黨嘅前景，所以早走早着呢？