政情：張華峰預祝生日 「大個仔」反對加印花稅

舊年肥老闆嘅生日蛋糕，就寫上好應景嘅祝福語，如「健健康康」同「百毒不侵」。而今年嘅生日蛋糕亦都迎合現況，寫住「乘峰破浪」同埋「否決印花稅」。至於生日願望，佢就話希望立法會順風順水，政策順利執行，社會更和諧、穩定、繁榮咁話，所屬政黨經民聯就可以為國家做多啲嘢喎。

而喺尋日審議本年度財政預算案時，肥老闆就不滿政府硬推上調股票印花稅而投下棄權票。肥老闆笑言，呢次係佢第一次反對政府議案。在場慶生嘅立法會主席梁君彥就話，你冇反對呀，棄權咋嘛。另一名黨友石禮謙就話佢大個仔啦，為香港繁榮發展有自己意見咁話。