我有正能量：實體玩具 促進親子感情
Dave小時候家境不好，無法擁有太多玩具，長大後便變身「玩具購買狂」，不斷買玩具，愈買愈多，甚至重複購買亦不自知，「嗰時就發現原來自己一直都係一個補償心態，因為細個冇玩具，所以大咗就要買好多去補償童年嘅缺失。」Dave的親身經歷令其發現，原來玩具會對小朋友的成長及心智造成很大影響。
打機難取代當中樂趣
「唔係唔好打機，而係唔好只係顧住打機，唔好唔記得仲有玩具可以玩。」現今資訊科技發達，不少兒童玩電子產品，如電話及平板電腦的時間遠多於玩具，但Dave認為電子產品容易令人沉迷，更會影響眼睛健康，故希望透過捐贈玩具，讓小朋友感受實體玩具的樂趣，「玩具其實可以帶畀佢哋好多快樂，打機未必可以代替到。」
Dave以桌上遊戲為例，小朋友可以和家人或朋友一同玩，期間可培養親子感情及增進友誼，是一個很好的社交活動，「我希望透過玩具嘅循環再用，鼓勵小朋友愛惜玩具同與人分享，除咗玩具，仲可以分享快樂。」