政情：公民講場：懶理港鐵玩弄票價 政府共度時艱成空話

無論港鐵如何施展語言偽術，明天嘅港鐵車資較今日貴係不爭嘅事實。面對市民要求延續票價八折優惠嘅呼聲，港鐵就話由舊年開始嘅相關優惠，其開支係由政府同港鐵各自承擔一半，即係話政府唔出手，港鐵可以提供嘅優惠非常有限。其實政府舊年曾經話疫情對本港經濟造成嚴重影響，各行各業都受到打擊，管治團隊要同市民共度時艱。然而事隔一年，疫情依然未退，政府作為港鐵大股東，不但無意延長票價優惠，早前又容許巴士加價，一再加重升斗市民嘅負擔，運輸及房屋局局長陳帆既是港鐵董事局成員，亦係政府管治團隊嘅要員，舊年同市民共度時艱嘅承諾，莫非已拋到九霄雲外？