繼「旅遊氣泡」之後，本港旅遊業界又將希望寄託於「疫苗護照」，只要手持完成接種新冠疫苗嘅證明，就可以通過相關國家嘅入境關卡，咁就可以重啟業務啦。之不過十隻手指有長短，各種新冠疫苗嘅成效亦唔一樣，而港府大力催促港人接種嘅其中一種疫苗，又偏偏不獲歐盟承認喎；況且接二連三嘅致命事故導致接種率偏低，就算真係有疫苗護照，怕且作用都好有限，認為「疫苗護照」可以恢復通關出行嘅旅議會主席黃進達，恐怕期望會落空喇！
