政情：梁卓偉用首置名義 3938萬購碧瑤灣豪宅
豪宅市道淡靜，令近年唔少學者同議員都多次促請政府要減免1,000萬元或以上住宅嘅印花稅。之但係，有彈藥嘅買家依然會入市置業，據土地註冊處資料顯示，一個同港大醫學院院長同名嘅買家梁卓偉（LEUNG GABRIEL MATTHEW）近日就以3,938萬元買入薄扶林碧瑤灣43座中低層單位，據悉單位實用面積有2,079方呎，成交呎價18,942元。
資料顯示，梁今次要畀嘅印花稅為167.36萬元，相當於樓價嘅4.25%，換言之買家今次係用首置名義入市啊。
仍貴過估值374萬元
之不過，即使佢想慳錢用首置買樓都好，根據網上銀行估價資料顯示，該單位嘅估值都平過成交價10.5%，咁咪即係梁買貴咗374萬元囉。
據了解，該單位嘅原業主於2013年購入，持貨約8年帳面賺1,250萬元，物業期內升值約46.5%。
