繼巿民進入政府場地同食肆都必須掃「安心出行」二維碼後，創新及科技局局長薛永恒尋日揚言，正推動任何交通工具，包括港鐵都要用「安心出行」，但佢隨即補充話，要視乎港鐵嘅運作安排，若張貼二維碼喺車門位置，可能會阻礙市民上落，影響繁忙時間嘅運作咁話。之不過，二維碼唔張貼喺車門，改為張貼喺閘機位置，難道就唔會妨礙港鐵嘅運作咩？至於唔用智能手機嘅巿民，莫非要填寫個人資料先至可以上車？咁擾民嘅措施都諗得出，為催谷「安心出行」嘅下載量，政府到底可以去到幾盡？
