樓價高企，市民置業難。正如立法會一份研究報告都話喺2009至2019年，公營或私營房屋嘅租戶數目增幅最大，雖然普通租戶都可以努力儲蓄置業，但單憑工資，較難喺物業市場同其他買家競爭，仲有就係未來10年私營房屋出售量較落成量少。話時話，依家公屋供應嚴重短缺，條隊排近6年都未上到樓，而私樓又供不應求，即係市民想有瓦遮頭都難，運輸及房屋局局長陳帆追極都追唔到落後，市民上樓無望，又點會消怨氣呀！
