政府後知後覺，早前先話要改革通識科，點知顧到教材，就忽略咗班教師。有調查話受訪教師普遍支持改革通識科，但本身教開通識科可能有部分要轉型，要教其他科目，甚至擔心被裁員，所以要求教育局盡快出課程綱要，甚至畀多啲資源同支援措施，協助教師過渡同培訓咁話。老實講，改革通識科好重要，但更重要係日後教師點樣去教授呢科嘅內容，若教授過程中出亂子，後果不堪設想，局長楊潤雄係咪可以再冒呢個風險呢？
