政府懶理市民口袋已清零，多次拒絕設立失業援助金，話短期嘅援助幫唔到幾多，而勞工及福利局局長羅致光甚至叫市民去申請綜援，近日仲鬧有人侮辱申請綜援嘅人士添！點知畀勞工界逼多幾逼，佢竟然要挾話若要設立失業援助金，可能要叫停取消強積金對沖喎。話時話，為咗拒設失業援助金，羅致光已經不停咁出口術，智商高又點，技窮咪又係喺度發爛渣，搵交嗌幫到市民咩？記住政府宣傳嗰句，贏咗場交，冇咗個家，即係失晒民心，值唔值得呀？
