政情：公民講場：事關安全豈能冒險 電動車解禁要三思

話說運輸署尋日喺單車徑搞咗個實地試行電動滑板車，睇吓外界嘅反應再考慮係咪會解禁。據聞，現場唔少電動車友撐「鬆綁」，仲話香港已經落後鄰近地方好幾年嘞，但係家長就持反對意見，事關車速快，驚小朋友走避不及意外頻生。依家正反意見擺喺面前，睇嚟運輸署署長羅淑佩真係要小心考慮，必須要權衡輕重，唔可以只為咗追落後或方便某部分愛好者，就決定解禁，事關冇嘢比安全更重要，稍有差遲，後果可能好嚴重。