政情：公民講場：運署泊車政策離地 對傷殘者置之不理

繼早前引入可遙距入錶嘅新電子咪錶，變相減低駕駛人士搵到路旁泊位機會之後，原本只供傷殘駕駛人士專用嘅泊車位，運輸署又打算開放畀持有俗稱灰證嘅「司機接載行動不便的殘疾人士泊車證明書」駕駛者使用。香港地，車多泊位少，傷殘駕駛人士嘅車位就更加唔足夠。健全人士就可以話將部車泊遠啲啫，之不過傷殘駕駛人士，就只能夠局限於適合上落車嘅專用車位，新措施只會增加傷殘人士嘅出行難度，運輸署署長羅淑佩到底有冇顧及到佢哋嘅實際需要呢？