政府日前以疫情為由，宣布取消年宵花巿，誰知過咗幾日又話重開。對於早前投得攤位嘅花農而言，做生意嘅機會雖然話失而復得，然而縮減規模同開放時間，導致銷售時段打咗折扣，加上未有檔位抽籤嘅最新安排，都令唔少花農不滿。儘管食環署署長劉利群死撐話，現時提出嘅銷售年花新安排已經係合理平衡，不過早前投得攤位嘅花農就鬧爆話好混亂囉！
