早前有消息指，原定喺屯門環保園興建嘅廢紙回收再造廠，中標公司嫌成本過高而撤出，政府嘅應對方法，就係打算改變策略，招標興建紙漿廠。其實一早就有環保人士指紙漿廠較適合香港，因佔地同營運成本都較低，不過當局做事就係慢吞吞，有關紙漿廠嘅招標，要等到出年上半年先到進行，預計2024年開始運作，之不過，仲有幾日內地就全面禁止香港廢紙輸入喇！面對每個月數以噸計嘅廢紙量，環境局局長黃錦星諗得出妥善嘅解決方案嗎？
