政府日前公布疫苗抵港嘅進度，市民好擔心疫苗嘅安全問題。食物及衞生局局長陳肇始尋日被問政府官員會唔會帶頭接種令市民安心時，就話如果可以令市民有信心，帶頭打針絕對冇問題，但官員唔使列為優先接種群組，仲攞班高官率先打流感針做例子添！老實講，政府推廣打流感針咁多年，都仲係要年年呼籲，依家講緊嘅係仲要做測試嘅新疫苗，點可以咁比較，再加上政府防疫做得咁差，搞到不停爆疫，陳肇始依家講乜都冇人信喇！
