政情：公民講場：陳肇始口罩反轉戴 做到局長真奇怪

食物及衞生局局長陳肇始尋日出席記者會講述疫情及社交距離措施，在場嘅記者見到佢面上嘅口罩，本應向下嘅風琴式皺摺變咗向上，就連右下角「Made in Hong Kong」字樣亦掉轉，好明顯個口罩係戴錯咗啦。雖然陳肇始後來都知悉口罩內外反轉咗，但基於衞生考慮並冇即場更換，離開記者會場地先至妥善處理。然而口罩係近一年來每位港人必備之物，加上陳肇始係註冊護士出身，口罩都竟然反轉戴。行事咁粗疏，難怪有網民揶揄佢，話口罩都唔識戴就唔好做局長啦。