公屋嚴重短缺，輪候上樓條隊同年期都愈嚟愈長，搞到民怨沸騰。為咗安撫基層，政府向輪候公屋3年未上到樓嘅人士派發津貼。老實講，呢筆津貼可以話有好過冇，衰啲講係掩口費，搏鬧少政府兩句，點知轉頭運輸及房屋局公布喺未來五年公屋供應量較舊年長遠房屋策略目標少約三分一，即係又拖延上樓，再加上派津貼可能令劏房加租，隨時幫你變咗害你，根本就治標唔治本，唔該局長陳帆戙高床板諗方法點樣追落後好過喇！
