疫情再次大爆發，確診人數不斷攀升，政府日前宣布，公務員將會在家工作兩周，只維持緊急必須的公共服務。繼立法會大會縮短議程後，民政事務總署要求各區區議會延遲未來14日的區議會會議，以減低傳播的風險。
灣仔區議會主席楊雪盈尋日喺社交媒體貼文，指民政事務總署署長謝小華表示，政府在上月30日起，決定重新實施嚴謹的社交距離措施和關閉一些處所14天，要求各區議會延遲未來14日嘅區議會/委員會/工作小組會議，「以免聚眾」，減低社區傳播的風險，又話會因應疫情再審視兩周後嘅會議安排。
民政總署回覆指，證實向各區議會提出延遲會議嘅要求。而深水埗區議會原定今日召開環境及衞生委員會，主席覃德誠決定繼續維持會議，並改用網上視像模式進行，惟有關做法未獲當局接受。
立法會尋日大會亦壓縮議程，喺完成口頭質詢後，進入辯論中止待續兩條條例草案，及通過延展《預防及控制疾病(對若干人士強制檢測)規例》至明年1月6日，其後主席梁君彥喺下午1時半宣布休會，比原定於晚上7點鐘休會的時間早咗5個半小時。據聞，秘書處亦即將推行在家工作，只係喺有會議時先會作有限度嘅人手安排。